Hüseyn Musayev

Bilmirəm

Huseyn — Sat, 18 Feb 2012 20:11:44 +0000

Bakıya gələn bir turist və onu gəzdirən bir bələdçi..Hər şey aeroportda qarşılamadan başlayır.

Turist: Salam

Bələdçi: Salam Azərbaycana xoş gəlmisiniz

T: Çox sağ olun..Bakı haqqında çox eşitmişdim.Küçələrini, binalarını, tarixini xüsusilə. Hamısını görmək istəyirəm.

B: Əlbəttə buyurun.

T: Burda nə yazılıb

B: Heydər Əliyev adına Hava Limanı

T: O kimdi?

B: 1991-ci ildə Azərbaycan Respublikası qurulduqdan sonra 1993-cü ildə prezident olmuş və 2003-ə qədər o prezidentlik etmişdir..

T: hmmm ok..Getdik onda.

…

T: vauu bu nə gözəldi? Haradı bura

B: Koroğlu

T: O kimdi?

B: Dastan qəhrəmanı

T: pff gülməlidi

…

T: Vauuu Bura nə gözək prospektdi belə.Haradı belə

B: Heydər Əliyev prospekti

T: bəs bu gözəl park?

B: Heydər Əliyev parkı

T: Bəs bu bina?

B: Heydər Əliyev adına saray

T: Bəs bura haradı?

B: 28 May küçəsi

T: Nolub ki həmin gün?

B: Məmməd Əmin Rəsulzadə tərəfindən şərqdə ilk Demokratik Cumhiriyyət qurulub.

T: Bəs niyə Rəsulzadə adı qoyulmuyub?

B: BİLMİRƏM

T: Bəs ordakı olduqca gözəl tikilən ağ tikili nədi?

B: Heydər Əliyev Mərkəzi

T: Bu məktəbdi belə? Saraya oxşuyur

B: Bu da Heydər Əliyev adına Litseydi

T: Bir də 20 yanvar haqda eşitmişdim məni 20 Yanvar adlı yerə apararsan?

B: Əlbəttə gedək

T: Vaayy bura nə gündədi? Dağlır ki bura.

…

T: Niyə burda ən gözəl yerlər Heydər Əliyevin adınadı..Bu xalqın başqa övladı yoxdu bəyəm?Mən axı bura gələndə araşdırmışdım.Bu ölkənin şanlı tarixini olduğnu bilirdim.Niyə bəs belə?
B: BİLMİRƏM

T: Bəs niyə Şəhərin ən gözəl yerləri ancaq onun adına, qalan yerlər isə pis gündədi? Niyə digər yerlərə baxılmır..Bir az yaxşı olan yerə isə Dastan qəhrmanının adı qoyulub?Bu ölkə Nağıllar diyarıdı bəyəm?

B: BİLMİRƏM

T: Hətta 20 Yanvar kimi bir faciənin adını daşıyan yer də elədi niyə baxılmır?

B: Bilmirəm

T: Bayaqdan mənə şəhidlərinizən, tarix şəxsiyətərinizdən, oğullarınızdan qızınızdan danışırdın. Hardadı bəs onların adına olan yerlər? onlar da mı dağılır?

B: Bilmirəm Bilmirəm Bilmirəəəəəəm

Bu imtahanlar da belə :)

Huseyn — Sat, 28 Jan 2012 09:13:29 +0000

Imtahanlar bitdi..Nəhayət ki..Yeni sesiyada yeni əhval ruhiyələr, daha doğrusu bəzi yeniliklər gördüm.Əvvəla qiymətlərin qiyməti qalxmışdı.Məlum məsələdi yaxınlarda böhran gözlənildiyindən müəllimlər indidən özlərini siğortalamaq fikrindədirlər..Nəzarətçilər yumşalıb diyəsən..Onlar haqqında belə düşünürəm ki, hər halda dünyanın müxtəlif yerlərindən gələn əcaib səslər qorxudub.Artıq dünyanın sonunun yaxınlaşdığını dərk edirlər.Az da olsa günahların yumaq istəyirlər.Gecə yuxularına imtahandan çıxardıqları tələbələr girib yəqin.Nəysə qısaca hər şey yaxşılığa doğru gedir.

BDU-da imtahan gedən hər bir otağa telefon xətti çəkilib.Telefon aparatları qoyulub.Kamera nəzarəti zamanı kənar hallar baş verərsə həmin otağa zəng vururlar..Bir dəfə bizim otağa zəng gəldi.Həmin an ürəyimə kardioloji aparat qoşulsaydı döyüntülərimi saya bilmədiyindən tüstülüyərdi..Çünki həmin an iş başında idim ..İmtahanlarmız adrenalin və horror filmlərinə dönüb

Bir məsələyə də toxunmaq istərdim.Azərbaycansayağı axtarış sistemlərimiz..Düzdü axtarış sistemi bizim deyil.Amma nəticələr bizimdir.Sonuncu imtahanda, Tarix imtahanında xüsusilə çətinlik çəkmişdim.Google.az-da nə qədər məlumat axtarsam da xəbər saytlarından başqa heç nə apa bilmədim..Google.com.tr-yə həmin sözün türkcəsini axtarıram və yetəri qədər material gəlir.. Wikipedia-mızda ciddi problem var.Adi hər kəsə bəlli olan bir hadisəni axtarırsan və Sorğunuza uyğun nəticə tapılmadı deyə bir cümlə ilə qarşılaşırsan.Bildiyim qədəri ilə wikipedia-nın hər ölkədə adminləri var.Bu adminlər məlumatın yerləşdirilməsinə və redaktəsinə nəzarət edirlər.Daha doğrusu bizdə etmirlər diyəsən.Əldə etdiyim məlumatlar isə bele lap gülməli fikir verdim hamsı adi tərcümə proqramlarında türk dilindən edilmiş bir tərcümədi.”Karib böhranı” adlı mövzu axtarırdım..Düzdür ətraflı məlumat var idi..Amma türk dilindən kopya olunması aydın hiss olunurdu.Cümlələrə baxaq “ABŞ-ın onsuz da Kubanı işğal etmək fikri olmamışdır” cümlə eynilə Azərbaycan cümləsinə bənzəyir ama Azərbaycan dili qramatikasında olmamışdır yerinə-olmayıb işlənir.Olmamışdır türk qrammatikasına xasdır.Ən maraqlısı isə sözlərin düzgün tərcüməsi yox idi.Cümləyə fikir verək “Kubaya qarşı olan ablukaya son veriləcəyini və Kubanı işğal etməyəcəyi təminatını vermişdi” bu cümlədə abluka sözünü görən hər kəs hansısa tarixi termin zənn edər.Halbuki bu türk dilində mühasirə deməkdir..Nəysə dediyim odur ki, bir az tənbəlliyi qırağa atıb özümüzə məxsus bir material bazası yaratsaq yaxşı olar..

İmtahanları da bitəhər beləcə VERƏ VERƏ getdik.Növbəti sesiyaya “Hazırlaşmaq” lazımdır.

YGTB “Gənclərin QHT sahəsində biliklərinin artırılması” layihəsini həyata keçirir

Huseyn — Thu, 19 Jan 2012 20:09:37 +0000

YGTB “Gənclərin Qeyri-Hökümət Təşkilatları sahəsində biliklərinin artırılması” layihəsini həyata keçirir.Layihənin əhatə etdiyi təlimlərin mövzuları:

1.QHT nədir və onun cəmiyyətdə rolu ?
2.QHT-nin növləri.Azərbaycanda fəaliyyət göstərən gənclər təşkilatları
3.Beynəlxalq təşkilatlar və onların iş prinsipləri
4.Layihələrin yazılması və icrası
5.QHT-lərin mətbuat işinin təşkil edilməsi
6.İnsan resursları sahəsində fəaliyyət
7.PR sahəsində fəaliyyət
8.QHT-lərlə əməkdaşlığın qurulması və danışıqlar prosesi
9.Donorların tapılması və müqavilələrin imzalanması.

Təlimlər müxtəlif QHT-lərin nümayəndələri tərəfindən aparılacaq. Layihə 1 ay müddətində davam edəcəcək. İştirakçı sayı 25-dir.
Layihəni uğurla başa vuranlar “Diploma”la təltif ediləcəklər. Ən fəal iştirakçılar layihədə adı keçən QHT-lərdə çalışmaq və təcrübə keçmək imkanı əldə edəcəklər.

Qeydiyyatdan keçmək istəyənlər CV-lərini office.newyouth@gmail.com email ünvanına göndərə bilərlər.

Səndən sonra ilk gün

Huseyn — Thu, 19 Jan 2012 20:06:08 +0000

Dur hələ oxuma.Əvvəl abu havanı yarat.Playi bas.Eyni həmin an maqnitafondan gələn səsi sən də duy.

İndi başla.Nəsə tüstülüdü.Hər yer dumandı.Arada nəsə kişilərin dəhşətli gülüşünü eşidirəm..Amma sadəcə eşidirəm.Kimin nəyə güldüyünü hiss etmirəm.Çünki bir gün keçmişdi.Son xatırladığım “Əlvida” sözü idi.Bu sözdən sonra onsuz ilk günüm idi.Bu sözdən sonrasını xatırlamıram..Çünki o saatdan etibarən təsəllini meyxanədə tapdım.Hər dəfə bir dostumla.Dostlarım da artıq növbəyə durublar sanki..Günortaya qədər biri, günotadan sonra biri.

Qarşımda bir neçə sayını da bilmədiyim araq şüşəsi.Bir qədəh içirəm sən gəlirsən ağlıma, bir qədəh içirəm o sarılman gəlir yadıma, bir qədəh içirəm dəniz gözlərin gəlir qarşıma, dördüncü qədəhdə artıq yoxam.Şəkillərinlə danışmağa başlıyıram.Danışıram.Sənin əvvəl xəfif bir rüzgarla gəlməni qasırğa olub əsib getməni danışıram.Qasırğanın məni necə dağıtdığını danışıram..Alkol və tütün dolu bir səhraya necə saldığını danışıram.Çıxış harda oldğunu bilmirəm.Daha doğrusu axtarmıram.Sadəcə bir yerdə yıxlıb oturmuşam.Dostum növbəti qədəhi süzür.Əlim qədəhlə sevişməkdən yorulub artıq.Çalışıram.Səninlə keçən xoş günlərimi, səninlə bağlı arzularımı, planlarımı alkolda boğmağa çalışıram.Məndəki səni alkolda boğuram..Bir evimiz olacaqdı.İki mərtəbəli, dəniz mənzərəli, sənli mənli, bir uşaq da olacaqdı səndən məndən sevimli.Noldu indi? Atdım onu da dənizə.Hansı dənizə? bax bu qarşımdakı 50 qramlıq qədəhə..Parisə gedəcəkdik.Eyfeli görəcəkdik..Gördüm..Bilirsən harda? qarşımdakı araq butulkasının üstündə..Eyfelin şəklini gördüm..

Artıq tüstü dumanın arasından meyxanə sahibi yaxınlaşdı.Bəsdir daha dedi.Dostuma işarə etdi məni aparsın deyə..Meyxanə sahibinə baxdım..Güldüm və qeyri ixtiyari ağzımdan bu sözlər çıxdı

- Dayı, bu gün çox içdim..Eyni onu sevdiyim kimi, Amma pulum var olduğu qədər içdim.Eyni onun məni sevdiyi kimi..Bağışla dayı, bir də bura aşiq gəlmiyəcəm

Bağışla, dost

Huseyn — Wed, 18 Jan 2012 21:52:57 +0000

Evə gəldim.Bomboş otaq.Qaranlıqda yanlız çöldən sızan bir işıq görsənir.Yalnızam.Çünki, bu otaq mənimdir.Mənə aiddir.Hər kəsin girişi qadağandı.Əslində yanlız deyiləm.Ancaq burda mən ən yaxın dostumu tapıram.Yanlız burda o mənimlə dərdləşmək şansı tapır.Əslində o mənə hər saniyə vaxt ayırır. Amma mən isə ona dara düşəndə vaxt ayırıram.O elə bir dostdur ki, bunlara baxmayaraq heç bir qarşılıq gözləmədən, hər cür xainliyə rəğmən yenə də məni tək qoymur. Bu dost ruhumdu.O ruh ki, mənim ən sadiq, daim, hər zaman, hər an yanımda olan dostumdu.Hər halımdan anlayan dostumdu.Heç zaman məni tərk etmir.Ömrümün sonuna kimi mənimlədir.Hətta sonda belə xəyanəti mən edirəm.Mən torpaqda yatarkən onu tək buraxıram.O ya cənnətin, ya da cəhənnəmin yoluna tək gedir.mənsiz gedir.Sonda mənim etdiklərimin cavabını o verir.Cəzasını da o çəkir.Mən ona yalan desəm də, o mənə yalan demir.Onunla indi bu otaqda danışıram.

- Sevmirəm

- Axı sən sevirsən

- Artıq bitdi.Olmayacaq

- Axı o hər zaman qəlbindədi, hiss edirəm

- Bitəcək, artıq olmayacaq

- Bacarmazsan,Boş yerə söz verib məni sızlatma

- O məni sevməyibmiş

- Axı mən bunu sənə demişdim.Sən məni dinləmədin.Hər zamankı kimi

- O da getdi.Hamı kimi o da getdi.

- Mən ki qalıram.

- Bağışla, dost.Sənə inanmadım.Amma indi nolacaq?

- İndi sən günlərlə ağlayacaqsan, şəkillərə baxacaqsan, adını daşıyan hamıdan nifrət edəcəksən.Elə ki onsuzluğa alışarkən, o bir mesaj yazacaq.”Necəsən?” – deyə soruşacaq.İçin parçalansa da “Yaxşıyam” deyəcəksən.Sonra yenə ümid verəcək.Sən yenə mənə inanmayacaqsan,.Yenə ona inanacaqsan.Bağlanacaqsan.O sənin günəşinə çevriləcək.Ama yenə bir gün günəşin gedəcək və daha doğmayacaq..Yenə bu oatağa qaranlıq çökəcək.Yenə gələcəksən.Yenə heç kim olmuyacaq.Amma narahat olma mən olacam həmişəki kimi.Yenə biz danışacağıq..Yenə mənə deyəcəksən “Bağışla, dost.Sənə inanmadım”

Eurovision “uğrunda”

Huseyn — Thu, 05 Jan 2012 11:12:23 +0000

Eurovisiona hazırlıq tam sürətilə gedir.Hər şey yaxşıdı.Hər yer abadlaşır gözəlləşir.Bu sadəcə Tv-də gündəlik bizə eşitdirilən sözdü.Əslində isə şəhərdə olan vəziyyəti ümidvaram ki hamı bilir.Ətraflı yazmağa ehtiyac da yoxdu.Bu pokastda sadəcə mənim fikirlərimdi.Şəkildə də hər şey aydındı

İmtahana hazırlaşırdım.Bir az dincəlim dedim.Bu arada blogum yadıma düşdü.Çoxdandı ziyarət etmədiyim yadıma düşdü.Əlimdə isə diktofon yox idi.Komputerdə və telefonda olan imkanlardan istifadə etmişəm.Qəbul edirəm ki keyfiyyət çox da yaxşı deyil

2011 yekun Post

Huseyn — Sat, 31 Dec 2011 13:52:24 +0000

Nəhayət ki, sona çatdı.Növbəti bir il də arxada qaldı.Ömrümüzdən bir il daha keçdi.Bu bir ilə baxdıqda qazandığım da çoxdu itirdiyim də.Mən sadəcə bu yazıda Bloga aid bəzi təəsüratları yazacam.İlk gün YGTB-nin “Lets be social” layihəsinin blog təlimində Fuad Şahbazov mənə blog açmağı tapşırdı.Açdım və ilk təcrübə üçün mırta inək şəkli atdığımı etiraf edirəm.Çünki o vaxt mən blogerliyə çox bekara bir şey kimi baxırdım.Ama birdən yadıma arxivdə qalmış bir yazının olduğunu xatırladım.Heç bir düzəliş etmədim və onu bloga atdım.Paylaşdım.Axşam bloga girib statistikaya baxdıqda 140 nəfərin oxuduğunu gördüm.ilk gündə bu statistika məni çox sevindirdi və blogerliyə davam dedim öz özüməYazılar bir birinin ardınca gəldi.İlk əvvəllər mövzu bol olurdu yazmağa isə vaxt olmurdu.Hər gün bir blogpost yazırdım.Yazıların maraqla qarşılandığını gördüm.Gördükcə ilham pərisi gəlirdi

Yazılarımı paylaşanları da gördükcə içimdə sanki uşaq sevinci var idi.Bilirəm ki indi dostlarım bu yazını oxuyur.Və onlara bir az sözüm var.İlk gündən bu günə kimi yazılarımın hamısını paylaşan Lamiyə Səfərovaya ( qat qat,meqa təşəkkür) , Hər dəfə “super əla, ardı gəlsin” deməklə daha ilhamlandıran Fidan Əsədzadəyə, Eyni zamanda həmişə inboxda dəstək olan Həmayə Baxışlı, Bahəddin Yolçuyeva və digər adını yazmadığım hər kəsə xüsusi təşəkkürümü və minnətdarlığımı bildirirəm.Amma ən başda mənə sosial medianı daha yaxından tanış etdiyi üçün Fuad Şahbazova təşəkkürlərimi bildirirəm

Təkziblər də yan keçmirdi.Hətta dəfələrlə zəng vurub bundan əl çəkməyimi istiyənlər də olurdu.Qəribədir ki, bunlar mənim elə öz yaxınlarım, qohum əqrabalarım idi.He kimin mənlə işi olmsa da onlar məni hədələyirdi.Onları qınamıram.Mənə görə qorxurdular.Amma azadlıq qurban tələb edir.Söz azadığı da

Nəysə yekunlaşdırmaq istəyirəm.Artıq 2011 son saatlarındayıq.Birazdan 2012 başlayır.Mən hər kəsin Yeni ilini və Həmrəylik gününü təbrik edirəm.Yeni ildə bol bol uğurlar arzu edirəm.Blogumu oxuyan hər oxuyucuya Təşəkkürlər.Nə yaxşı ki varsız…Sizi çox sevirəm

Like-lara layiq Tələbələr

Huseyn — Fri, 30 Dec 2011 20:29:40 +0000

Bir dəfə mən Facebookda like məsələsinə toxunmuşdum.Facebookda Like düyməsinin Azərbaycanda çox şeyə qadir olduğunu demişdim.Hər şeyi həll edə bilər.Kimisini alim edər, kimisini best model, kimisininə dueldə pul qazandırar, kimisini də “İlin ən yaxşı tələbəsi” edər.Səhv eşitmədiniz ilin ən yaxşı tələbəsi.Bu haqda yəqin ki hamının məlumatı var.Çünki nominantlar o qədər ətrafa səs küy saldılar ki nəinki Facebook istifadəçiləri bütün Azərbaycan bundan xəbər tutdu.Hamının qəlbi BDU ilə atdı, Hamının beyni BDU ilə mazq oldu.
Yenə həmin rəzil səhnələr təkrarlandı.Hamı Like “diləndi”.Xaiş üzərinə elə adamların adını like elədim ki düzü heç tanımıram.Qəribə adlara güldüyüm də oldu.Mənə maraqlı qaldı ki, onlar həqiqətən “İlin ən yaxşı tələbəsi” adına layiq idi? İlin tələbələrinə verilən diplomu oxudum.Yazılmışdı ki, Dərsdəki nailiyyətlərə və liderlik qabiliyətinə görə ilin ən yaxşı tələbəsi fəxri adı verilsin…Elə tələbələr vardır ki, liderlik anlayışının açıqlamasını verə bilməz.Ama liderliyə görə liderdi.ELə tələbə də var ki üzünü universitetdə çətin görəsən.Amma Facebookda dostluq siyahısında dostları çox olduğundan Like ustası oldu və İlin ən yaxşı tələbəsi oldu..
Ümumiyyətlə bir universitetin ilin tələbəsini başqa bir universitet tələbəsi və ya qohum əqraba, dost tanış, məhlə uşaqlarının müəyyən etməsi nə dərəcədə məntiqlidi? Ya seçimlərdə Universitetin heç bir mütəxəssisi müəllimi iştirak etməməsi necə? Heç bir kriteriya, Heç bir əsas olmadan seçilən “dvijeniya”lı “ilin ƏN axşı tələbə”lərinə eşq olsun
Birinci mərhələ isə çox maraqlı idi.Anket paylanırdı və paylayan belə bir cümlə deyirdi “Yuxarıdakı sütuna filankəsin adını yazın.Aşağı qol çəkin.Hə çox saolun” Lap bizim ənənəvi şəffaf seçkilərimizə oxşadı.Çünki bizim şəffafımız belə mürəkkəbdi..
Nəysə olan olub keçib..Sizi təbrik edirəm “İlin ən yaxşı like-lara layiq tələbə”ləri…

İlk podkastim

Huseyn — Mon, 26 Dec 2011 08:07:28 +0000

Etirafologiyam :)

Huseyn — Fri, 16 Dec 2011 10:41:00 +0000

Hamı yazırdı..Hamı da oxuyurdu.Dostlarım da.Bir dostumsa məndən də belə bir yazı istədi.Etiraf etməyimi istədi.Mən düzü etiraf etməyi xoşlamıram amma israrla istədiyi üçün onun yazıram..Davay getdik

Etiraf edirəm ki hansı etirafdan başladığımı bilmirəm
Hərdən özümü belə tanımıram
Kiməsə yalan deməsəm də özümə yalan deyə bilirəm hətta inandıra da bilirəm
Saflığım çoxdu
Qızlara sevgi gözü ilə bağmağı sevmirəm, ancaq dostluq istəyirəm ( bu yeni vərdişdi)
Kameranı və kamerayla çəkməyi çox sevirəm.Amma montajından zəhləm gedir
Gündəlik həyatda ən çox sevdiyim yuxudu
İdmaı sevirəm amma heç vaxt məşğul olmuram
Rəqs etməyi bacarmıram və örgənə də bilmirəm
Bloq yazmağı elə də maraqlı deyildim..Əgər ilk gün 140 ziyarətçim olmasaydı
Kompliment eşitməyi çox sevirəm
Xəsisliyim də çoxdu.Pul xərcləyəndə ətimi kəsirlər sanki
Ünsiyyəti elə də çox sevmirəm.Ən çox daxilimdə özümlə danışmağı sevirəm
İşiqliği yox qaranlığı sevirəm
Ən sevdiyim rəng qaradı
Kompyuterimi cox insanlardan cox sevirem
Rus dilinə nifrət edirəm
Etiraf edirəm ki day besdir))

Nəysə.Bəlkə də çoxunu yazmadım amma ilk içimdən gələnlər bunlardır..